U Turcyi zatanuŭ turystyčny karabiel, na jakim płyli 110 pasažyraŭ

U rajonie horada Marmarysa kala bierahoŭ Turcyi ledź nie zdaryłasia trahiedyja. Padčas ekskursii ŭ buchcie Akvaryum kala 15:45 pajšoŭ na dno turystyčny katar. Na ščaście, usich pasažyraŭ paśpieli evakujavać.

Skrynšot ź videa

Pavodle paviedamleńniaŭ, ekipaž sudna svoječasova zaŭvažyŭ niaspraŭnaść i terminova nakiravaŭ karabiel da bieraha. Na sihnał ab dapamozie apieratyŭna adreahavali kamandy inšych łodak, jakija znachodzilisia pobač, a taksama bierahavaja achova.

Udałosia chutka vyratavać usich 110 pasažyraŭ. Ledź tolki apošni čałaviek pakinuŭ bort, jak katar całkam zatanuŭ. Ale ŭ vyniku incydentu nichto nie paciarpieŭ.

Ciapier idzie rasśledavańnie zdareńnia.

Kamientary da artykuła