U Śvietłahorsku mužčynu zasypała ziamloj pry sprobie vykapać kałodziež la carkvy
U Śvietłahorsku ranicaj 11 červienia mužčynu zasypała hruntam pry sprobie vykapać kałodziež.
Jak paviedamili ŭ pres‑słužbie Homielskaha abłasnoha ŭpraŭleńnia MNS, u 10.20 u Śvietłahorski adździeł pa NS pastupiła paviedamleńnie ab tym, što mužčynu zasypała ziamloj. Pry vyjeździe na miesca akazałasia, što miascovy žychar kapaŭ kałodziež na terytoryi Śviata‑Pakroŭskaj carkvy. Jon vykapaŭ jamu hłybinioj 4 mietry i šyrynioj 2,5 mietra, i kali byŭ u jamie, na jaho abvaliŭsia hrunt. Ratavalniki prykładna ŭ 11.00 adkapali paciarpiełaha. Mužčyna pieradadzieny miedykam.