U Barysaŭskim rajonie dzicia ledź nie patanuła ŭ sažałcy
U Barysaŭskim rajonie ledź nie zdaryłasia trahiedyja: maleńkaje dzicia mahło patanuć u štučnym vadajomie, paviedamlaje pres-słužba Śledčaha kamiteta.
Fota: Śledčy kamitet
Uviečary 28 maja ŭ ahraharadku Łošnica žančyna znachodziłasia na terytoryi svajho pryvatnaha doma razam z dvuma małymi synami. Pakul dzieci hulali ŭ zadniaj častcy ŭčastka, jana zajmałasia pasadkaj raślin pierad domam.
Raptam maci pačuła płač i pabačyła, što jaje małodšy syn apynuŭsia ŭ sažałcy, jakaja znachodziłasia na ŭčastku.
Žančyna adrazu dastała dzicia z vady, praviała nieabchodnyja reanimacyjnyja dziejańni i vyklikała chutkuju dapamohu. Na hety momant chłopčyk znachodzicca ŭ balnicy, dzie jamu praciahvajuć akazvać nieabchodnuju dapamohu.
Na miescy zdareńnia pracavała śledča-apieratyŭnaja hrupa. Ciapier Barysaŭski rajonny adździeł Śledčaha kamiteta pravodzić pravierku, kab vyśvietlić usie abstaviny hetaha vypadku.