Cichanoŭskaja i Abjadnany pierachodny kabiniet uznaharodzili va Ukrainie miedalami 24 čałavieki
Abjadnany pierachodny kabiniet Biełarusi pryniaŭ rašeńnie pra novaje ŭznaharodžvańnie miedalami «Honar i Hodnaść», Franciška Skaryny i «Za plonnuju pracu na karyść Biełarusi».
Skrynšot videa APK
Śviatłana Cichanoŭskaja ŭručyła ŭznaharody ŭ Kijevie pry ŭdziele pradstaŭnikoŭ APK Paŭła Barkoŭskaha i Vadzima Kabančuka, paviedamlaje telehram-kanał APK.
Kabiniet pastanaviŭ:
uznaharodzić miedalami «Honar i hodnaść» biełaruskich dabravaachvotnikaŭ va Ukrainie i vałancioraŭ hrupy zabieśpiačeńnia.
«Niemca» — udzielnika bajavych dziejańniaŭ na Zaparožskim i Hulajpolskim kirunku.
«Šmita» — udzielnika bajavych dziejańniaŭ na Charkaŭskim, Zaparožskim i inšych kirunkach, kamandzira adździaleńnia.
«Błanša» — samaha maładoha za ŭsiu historyju biełaruskaha dobrachvotnickaha ruchu vajara. Byŭ pryznany najlepšym piłotam roty BPŁA na Zaparožskim kirunku.
«Soniu» — kamandzira hrupy piachoty Pałka Kalinoŭskaha. Prajšoŭ usio haračyja miaściny frontu, byŭ paranieny.
«Sievier» — kiraŭnicu miedyčnaj słužby Pałka Kalinoŭskaha. Prajšła ŭsie haračyja miaściny frontu.
«Leśnika» — vajara Pałka Kalinoŭskaha, kamandzira ŭzvodu techničnaha zabieśpiačeńnia.
«Marcina» — kapiełana Pałka Kalinoŭskaha.
«Aksona» — vajara Pałka Kalinoŭskaha, adnaho z zasnavalnikaŭ Hieraldyčnaj rady «Pahonia» i sučasnaj inicyjatyvy «Biełaruskaja vyzvolnaja armija».
«Hamleta» — vałanciora Pałka Kalinoŭskaha.
«Kipiša» — vałanciora Pałka Kalinoŭskaha.
Dzianisa Hierasimčyka — vałanciora Pałka Kalinoŭskaha, fundatara, hramadskaha dziejača.
2. Uznaharodzić miedalom Francyska Skaryny:
Marharytu Laŭčuk — biełaruskuju opiernuju śpiavačku, łaŭreatku mižnarodnych konkursaŭ i premij, jakaja padtrymała pratesty.
3. Uznaharodzić miedalom «Za plonnuju pracu na karyść Biełarusi»:
Vadzima Hałajčuka — ukrainskaha jurysta i advakata, Narodnaha deputata, adnaho ź inicyjataraŭ stvareńnia hrupy ŭ Viarchoŭnaj Radzie «Za demakratyčnuju Biełaruś».
Ihara Huzia — ukrainskaha palityka, narodnaha deputata Viarchoŭnaj Rady Ukrainy 8‑ha i 9‑ha sklikańniaŭ, adnaho ź inicyjataraŭ stvareńnia deputackaj hrupy «Za demakratyčnuju Biełaruś».
Juryja Barabaša — doktara jurydyčnych navuk i prafiesara, abaroncu demakratyčnych kaštoŭnaściej u rehijonie, sudździu Kanstytucyjnaha suda Ukrainy.
Viačasłava Lavickaha — ukrainskaha paeta, prazaika, pierakładčyka, krytyka, litaraturaznaŭcu.
Siarhieja Pryłuckaha — biełaruskaha paeta, prazaika, pierakładčyka, dobraachvotnika USU.
Paŭła Šarojku — žurnalista «Ukrainskaha radyjo», byłoha palitviaźnia ŭ Biełarusi.
Juryja Pančanku — redaktara «Jeŭrapiejskaj praŭdy», jaki raskazvaŭ pra niezakonnyja dziejańni režymu Łukašenki, tłumačyŭ važnaść dla Ukrainy kantaktaŭ z demakratyčnaj Biełaruśsiu.
Siarhieja Sidarenku — redaktara «Jeŭrapiejskaj praŭdy», jaki paśla 2020 hoda aśviatlaŭ biełaruskija pratesty, represii i baraćbu biełaruskaha naroda za svabodu.
Alaksandra Rykava (BalaganOFF) — ukrainskaha błohiera, jaki kamientuje hramadska‑palityčnyja padziei, źviazanyja ź Biełaruśsiu i Rasijaj, inicyjavaŭ zbor srodkaŭ na zakupku dronaŭ dla Pałka Kalinoŭskaha.
Irynu Uzłovu — ukrainskuju žurnalistku i viadučuju infarmacyjnych efiraŭ na «24 kanale», jakaja aśviatlaje palityčnyja i pravaabarončyja temy.
Jaŭhieniju Kutnovu — ukrainskuju žurnalistku, jakaja spryjaje asudžeńniu represij i padtrymcy demakratyčnych pieramien u Biełarusi.
Alaksieja Homana — ukrainskaha žurnalista, jaki paśladoŭna i prafiesijna aśviatlaje dziejnaść demsił Biełarusi, situacyju z pravami čałavieka ŭ krainie.
Taksama miedali byli ŭručanyja dypłamatu Iharu Kizimu, vajskovamu kapiełanu Jaŭhienu Ordu, vajskoŭcu i hramadskamu dziejaču Siarhieju Bahukalcu i analityku Jaŭhienu Mahdu, jakija byli ŭznaharodžanyja pastanovaj APK №26 ad 21 sakavika.