Biełarus pajechaŭ vajavać za Rasiju z našyŭkaj «Viciebsk» FOTAFAKT
49‑hadovy Alaksandr Baravik ź Viciebska davoli aktyŭna viadzie svaje sacsietki, jakich u jaho niamała. Pry hetym jon, vajujučy za Rasiju va Ukrainie, nie saromiejecca afišavać svaju prynaležnaść da Biełarusi i navat da Viciebska, dzie jon naradziŭsia, zaŭvažyŭ telehram-kanał «Vitiebsk, ja hulaju!»
U minułym Alaksandr Baravik byŭ budaŭnikom i achoŭnikam — budavaŭ navat chramy i achoŭvaŭ navat balnicy.
Adnak z samaha pačatku vajny simpatyzavaŭ vahnieraŭcam, a tamu nieŭzabavie pamianiaŭ formu achoŭnika na formu vajskoŭca. Tak jon apynuŭsia ŭ rasijskich motastrałkovych vojskach, i ciapier tam adkryta demanstruje svajo pachodžańnie.
Čytajcie taksama:
Bolš za pałovu biełarusaŭ z novaha śpisu, jakija vajujuć za Rasiju, majuć sudzimaści