Halivudskaja aktrysa Džylijan Andersan napisała pra svoj udzieł u biełaruskaj vystavie
Jana ahučvała historyi palitviaźniaŭ.
Aktrysa Džylijan Andersan. Fota: gilliana / Instagram
Halivudskaja aktrysa Džylijan Andersan, viadomaja mnohim pa roli ŭ sieryjale «Sakretnyja materyjały», udzielničała ŭ stvareńni biełaruskaha paviljona «Official. Unofficial. Belarus» dla Vieniecyjanskaha bijenale.
U storyz instahrama jana napisała:
«Ja hanarusia tym, što pracavała razam z hetaj kamandaj, daŭšy svoj hołas dla zapisanych śviedčańniaŭ niadaŭna vyzvalenych biełaruskich palityčnych źniavolenych u miežach hetaha prajekta.
Ich mocnyja historyi raskazvajuć pra toje, što značyć stracić svoj dom i svaju siamju; pra toje, jak nanova znajści siabie i pasprabavać stvaryć novy dom u inšaj krainie. Danieści historyi hetych mužnych ludziej da śvietu žyćciova važna».
U akaŭnta aktrysy ŭ instahramie 3,7 miljona padpisčykaŭ.
Historyi palitźniavolenych ahučvali taksama akciory Džud Łoŭ, Styvien Fraj, Džaana Łamli.
Biełaruskuju vystavu na bijenale zrabiła kamanda Biełaruskaha svabodnaha teatra razam z mastakami i kampazitarami. Kuratarki prajekta — Natalla i Danieła Kalada.