Łukašenka praihnaravaŭ siońniašnija ŭračystaści ŭ Minsku
Jaho zvarot pad daždžom pračytaŭ Alaksandr Turčyn.
Alaksandr Łukašenka druhi hod zapar nie źjaviŭsia na ŭračystaściach, pryśviečanych Dniu dziaržaŭnych ściaha, hierba i himna. Zamiest jaho vinšavalnaje słova na płoščy Dziaržaŭnaha ściaha začytaŭ premjer-ministr Alaksandr Turčyn, jaki ahučvaŭ zvarot pa-biełarusku.
Adsutnaść Łukašenki na hetym mierapryjemstvie stanovicca tendencyjaj: kali raniej jon naviedvaŭ jaho štohod, to letaś taksama abmiežavaŭsia piśmovym pasłańniem.
Učora Łukašenka viarnuŭsia z Maskvy, dzie jon prysutničaŭ na paradzie, a potym byŭ i na mierapryjemstvie ŭ Minsku.
Centralnaj padziejaj dla prapahandy siońnia stała šeście z 500‑mietrovym ściaham pa stalicy. Ściah vahoju kala 400 kh nieśli 800 pryznačanych čałaviek — spartsmieny, dziejačy kultury i pradstaŭniki dziaržaŭnych ŚMI. Vyrab zamovili Fiederacyja prafsajuzaŭ Biełarusi i «Biełaja Ruś» na dziaržaŭnym pradpryjemstvie «Mahateks».