Jak kuplać parfumu jak paryžanka
Francuzskaja ekśpiertka pa parfumieryi Klemans Piel padzialiłasia z BBC paradami ab tym, jak kuplać duchi pa-francuzsku.
Fota: vecteezy.com
Styl pa-francuzsku
Sapraŭdnaja paryžanka paźbiahaje ciažkich i składanych pachaŭ, addajučy pieravahu pryncypu «mienš — heta bolš».
Siońnia ŭ trendzie «čystyja» vodary: pach śviežaj bializny, źlohku mylnyja noty abo tyja, što nahadvajuć dziciačuju prysypku i naturalny pach skury.
Parfuma pavinna stvarać atmaśfieru niazmušanaści, a nie zajaŭlać pra siabie za kiłamietr.
Mastactva naniasieńnia: dzie i jak
Francužanki nanosiać vodar tolki na kropki pulsu, kab ciapło cieła dapamahała jamu raskrycca.
Kako Šanel raiła nanosić parfumu tam, dzie vy čakajecie pacałunku, tamu hałoŭnaje miesca — za vušami (mienavita tudy traplaje pozirk i nos surazmoŭcy pry tradycyjnym francuzskim vitańni).
Pry hetym kateharyčna zabaraniajecca raścirać zapiaści adno ab adno — ličycca, što heta psuje strukturu pachu.
Kultura vybaru
Paryžskaja parfumiernaja krama — heta miesca dla dyjałohu. Nie varta kidacca da fłakonaŭ i čapać usio zapar — lepš pačać razmovu z pradaŭcom, jaki vystupić vašym kurataram.
Ekśpiertka raić testavać nie bolš za 3—5 vodaraŭ za vizit, kab nie pierahruzić niuch, i abaviazkova čakać kala 20 chvilin, pakul vodar asiadzie na skury.