Na miažy Litvy ź Biełaruśsiu ŭčora nie zafiksavana nielehalnych mihrantaŭ, u Łatvii — 136 čałaviek
Na miažy ź Biełaruśsiu za apošnija sutki litoŭskija pamiežniki nie zafiksavali nielehalnych mihrantaŭ, u subotu paviedamiła Słužba achovy dziaržaŭnaj miažy Litvy, piša LRT.
AP Photo Mindaugas Kulbis, File
Łatvijskija pamiežniki ŭ piatnicu raźviarnuli 136 inšaziemcaŭ, a polskija słužby ŭ čaćvier taksama nie fiksavali sprob niezakonnaha pierasiačeńnia miažy.
Sioleta ŭ Litvu nie byli dapuščanyja 724 nielehalnyja mihranty. Letaś było zafiksavana bolš za 1,6 tysiačy sprob niezakonna trapić u krainu ź Biełarusi, a pazaletaś — 1002 sproby.
Usiaho z pačatku mihracyjnaha kryzisu, spravakavanaha Biełaruśsiu ŭletku 2021 hoda, litoŭskija pamiežniki nie dazvolili niezakonna ŭjechać u krainu bolš jak 25 tysiačam inšaziemcaŭ.