Takajeŭ i Mirzijojeŭ usio ž pryjeduć paciešyć Pucina

Prezidenty Kazachstana i Uźbiekistana ŭsio ž taki voźmuć udzieł u mierapryjemstvach da 9 Maja ŭ Maskvie, choć raniej paviedamlałasia, što jany na paradzie prysutničać nie buduć.

Kasym-Žamart Takajeŭ, Uładzimir Pucin i Šaŭkat Mirzijojeŭ padčas śviatkavańnia 9 maja ŭ 2023 hodzie. Fota: Vladimir Smirnov, Sputnik, Kremlin Pool Photo via AP, File

Pres-sakratar prezidenta Kazachstana paviedamiŭ, što Kasym-Žamart Takajeŭ pryjedzie ŭ Maskvu dla ŭdziełu va ŭračystaściach, a taksama praviadzie asobnuju sustreču z Uładzimiram Pucinym. Płanujecca abmierkavańnie pytańniaŭ stratehičnaha supracoŭnictva pamiž krainami.

Pres-słužba prezidenta Uźbiekistana taksama paviedamiła, što Šaŭkat Mirzijojeŭ užo vylecieŭ u Maskvu z pracoŭnym vizitam. Pavodle aficyjnaj infarmacyi, jon voźmie ŭdzieł u mierapryjemstvach z nahody 81‑j hadaviny Pieramohi ŭ Druhoj suśvietnaj vajnie. Raniej paviedamlałasia, što jaho nibyta nie budzie. 

Alaksandr Łukašenka ŭžo znachodzicca ŭ Maskvie. U jaho siońnia zapłanavanaja viačera z Pucinym, voźmie ŭdzieł va ŭsich uračystaściach jon i zaŭtra.

Pamočnik prezidenta Rasii Juryj Ušakoŭ zajaviŭ, što Łukašenka, Takajeŭ i Mirzijojeŭ buduć prysutničać na paradzie na Krasnaj płoščy.

Akramia taho, u rasijskuju stalicu ŭžo prybyŭ premjer-ministr Słavakii Robiert Fica. Raniej jon kazaŭ, što voźmie ŭdzieł tolki va ŭskładańni kvietak, ale nie płanuje prysutničać na paradzie.

Kamientary da artykuła