Rasijski ŭrad prapanavaŭ pierahledzieć praviły lehalizacyi rasijan u Biełarusi

Biełaruś i Rasija płanujuć skaracić termin razhladu zajaŭ na pastajannaje pražyvańnie dla hramadzian dźviuch krain — z troch miesiacaŭ da dvuch. Takuju prapanovu rasijski ŭrad nakiravaŭ Uładzimiru Pucinu. Dla hetaha chočuć źmianić pahadnieńnie pamiž Minskam i Maskvoj ab svabodzie pieramiaščeńnia hramadzian, jakoje dziejničaje z 2006 hoda, paviedamlaje TASS.

Minsk. Zdymak ilustracyjny. Fota z sacsietak

Akramia skaračeńnia terminaŭ, płanujuć udakładnić i praviły znachodžańnia ŭ krainie biez rehistracyi. Jak i raniej, biełarusy i rasijanie zmohuć znachodzicca na terytoryi inšaj krainy biez rehistracyi da 90 dzion. Ale kali čałaviek choča zastacca na bolšy termin, jamu treba budzie aformić rehistracyju ŭ adpaviednych orhanach.

Apošnija źmieny ŭ hetaje pahadnieńnie ŭnosilisia jašče ŭ 2015 hodzie.

Hramadzianie Rasii ciapier praciahvajuć aktyŭna kuplać nieruchomaść u Biełarusi. Naprykład, u sakaviku 2026 hoda rasijanie nabyli ŭ Minsku 126 abjektaŭ nieruchomaści — nie tolki kvatery, ale i damy, haražy, mašynamiescy i kamiercyjnyja pamiaškańni.

Usiaho za toj miesiac u stalicy było pradadziena bolš za 3,5 tysiačy abjektaŭ nieruchomaści, i kala 3,6% pakupak prypała na hramadzian Rasii.

Kamientary da artykuła