«Biełavija» źbirajecca praz dva tydni adnavić paloty ŭ Dubaj
Paloty byli spynienyja z 28 lutaha z pačatku kanfliktu na Blizkim Uschodzie.
Fota: LookBy.Media
«Biełavija» rychtujecca adnavić rejsy ŭ AAE dva razy na tydzień. Avijakampanija płanuje adnavić ich z 22 maja pry ŭmovie, što buduć zabiaśpiečanyja ŭmovy dla biaśpiečnaha vykanańnia palotaŭ, paviedamlaje pres-słužba kampanii.
Na pieršapačatkovym etapie rejsy praduhledžanyja z častatoj dva razy na tydzień — pa aŭtorkach i piatnicach — na samalocie Boeing 737.
Rehularnyja rejsy, jakija złučajuć Belarus i AAE, źnikli z raskładu 28 lutaha paśla abvastreńnia kanfliktu na Blizkim Uschodzie. U sakaviku avijakampanija vykanała niekalki vyvaznych rejsaŭ z Dubaja. Z taho času avijazłučeńnie nie adnaŭlałasia.