ZŠA vydzielać 100 miljonaŭ dalaraŭ na adnaŭleńnie biaśpieki sarkafahu na Čarnobylskaj AES
Pra namier ZŠA mocna ŭkłaścisia ŭ jadziernuju biaśpieku paviedamiła ŭ svaich sacsietkach ambasada ZŠA ŭ Minsku.
Fota: x.com/USEmbBy
«Złučanyja Štaty aktyŭna biaruć na siabie abaviazacielstva vydzielić da 100 miljonaŭ dalaraŭ u ramkach skaardynavanych namahańniaŭ krain G7 z metaj zabiaśpiečyć dalejšuju nadziejnuju izalacyju jadziernych materyjałaŭ, zdolnych da rasščapleńnia, na Čarnobylskaj atamnaj elektrastancyi va Ukrainie.
Pa acency G7, košt adnaŭleńnia arki Novaha biaśpiečnaha kanfajnmienta, paškodžanaj u vyniku ŭdaru bieśpiłotnika ŭ minułym hodzie padčas biessensoŭnaj vajny pamiž Rasijaj i Ukrainaj, składaje 500 miljonaŭ dalaraŭ.
My zaklikajem našych partnioraŭ pa G7 i jeŭrapiejskija krainy rušyć uśled hetamu prykładu i ŭziać na siabie značnyja finansavyja abaviazacielstvy, kab sumiesna padzialić ciažar hetych žyćciova nieabchodnych ramontnych rabot», — paviedamlaje ambasada ZŠA ŭ Biełarusi.
Čytajcie taksama:
Na Čarnobylskaj AES papiaredzili, što abarončy sarkafah moža nie vytrymać novaha rasijskaha ŭdaru
MAHATE: Sarkafah na Čarnobylskaj AES paśla ŭdaru bieśpiłotnika straciŭ asnoŭnyja funkcyi biaśpieki