Paśla šaści hadoŭ źniavoleńnia vyjšaŭ na svabodu pinski palitviazień Ihar Sałaviej
Jaho pasadzili za padziei žniŭnia 2020 hoda ŭ Pinsku.
Ihar Sałaviej paśla vyzvaleńnia
Vyjšaŭ na volu palitviazień Ihar Sałaviej. Jon adsiadzieŭ uvieś termin całkam — šeść hadoŭ.
Iharu 42 hady. Jon rodam ź Pinščyny, vučyŭsia ŭ Polščy pa prahramie Kalinoŭskaha na palitołaha-žurnalista. U 2006 hodzie atrymaŭ 10 sutak za «Płošču». Byŭ aktyvistam ruchu «Za svabodu».
Zatrymali Sałaŭja 3 vieraśnia 2020 hoda pa spravie ab masavych biesparadkach u Pinsku. Sudździa Maskoŭskaha rajona Bresta Jaŭhien Brehan prysudziŭ jaho da 6 hadoŭ kałonii ŭzmocnienaha režymu pa č. 2 art. 293 KK — razam z Sałaŭjom tady asudzili jašče 13 pinskich palitviaźniaŭ.
U studzieni 2022 hoda Iharu źmianili režym na strohi turemny na 2 hady — nibyta za sistematyčnaje parušeńnie dyscypliny. Jaho pieraviali z babrujskaj kałonii №2 u žodzinskuju turmu. Paśla zakančeńnia turemnaha terminu Sałaŭja viarnuli ŭ kałoniju, a na pačatku 2025 hoda znoŭ adpravili ŭ žodzinskuju turmu, dzie jon i dačakaŭsia kanca terminu.