Stała viadoma, kali spynić pracu Nacyjanalny centr sučasnaha mastactva
Raniej stała viadoma, što ŭ Minsku płanujuć likvidavać Nacyjanalny centr sučasnych mastactvaŭ — dziaržaŭnuju kulturnuju ŭstanovu, jakaja pracavała bolš za dziesiać hadoŭ i była adnoj z klučavych placovak sučasnaha mastactva ŭ krainie. Ciapier sam centr paviedamiŭ, kali heta adbudziecca.
Fota: facebook.com/ncsmby
Jak paviedamlajecca ŭ sacsietkach NCSM, jaho vystavačnaja dziejnaść pa adrasie vuł. Niakrasava, 3 spyniajecca z 22 červienia 2026 hoda. Padrabiaznaści abiacajuć dać paźniej.
Nacyjanalny centr sučasnych mastactvaŭ byŭ stvorany ŭ 2015 hodzie šlacham abjadnańnia dźviuch papiarednich instytucyj: Tvorčych majsterniaŭ «Centr sučasnych mastactvaŭ» i dziaržaŭnaj ustanovy «Muziej sučasnaha vyjaŭlenčaha mastactva». Za čas isnavańnia jon staŭ važnaj płatformaj dla sučasnaha mastactva ŭ Biełarusi.
Centr zajmaŭsia padtrymkaj ekśpierymientalnych prajektaŭ u vyjaŭlenčym, teatralnym i muzyčnym mastactvie, pracavaŭ z maładymi mastakami i kuratarami, a taksama ŭdzielničaŭ u mižnarodnych prajektach, u tym liku ŭ arhanizacyi nacyjanalnych paviljonaŭ Biełarusi na Vieniecyjanskim bijenale i inšych bujnych art-padziejach.
Čytajcie taksama:
U Minsku likvidujuć Nacyjanalny centr sučasnaha mastactva