Zakryli na rekanstrukcyju adzin z najstarejšych internataŭ BNTU
U Minsku zakryli na rekanstrukcyju adzin z najstarejšych internataŭ BNTU, raźmieščany na praśpiekcie Niezaležnaści, 61, paviedamlaje «Minskbud».
Fota: «Minskbud»
Budynak čakaje maštabnaje abnaŭleńnie: unutry jaho amal poŭnaściu raźbiaruć. Užo zdymajuć dach, unutranyja pierakryćci, pieraharodki, vokny, dźviery i inžyniernyja kamunikacyi. Faktyčna zastaniecca tolki karkas — źniešnija ścieny i žalezabietonnyja kanstrukcyi, jakija dadatkova ŭmacujuć.
Paśla hetaha ŭnutry stvorać novuju płaniroŭku z sučasnymi pierakryćciami i pamiaškańniami.
Pry hetym źniešni vyhlad budynka zachavajuć. Histaryčny fasad adnoviać u pieršapačatkovym vyhladzie: ačyściać architekturnyja elemienty, adrestaŭrujuć dekaratyŭnuju lepku. Novyja vokny ŭstalujuć u sučasnym vykanańni, ale z zachavańniem raniejšaha stylu.
Internat №4 byŭ pabudavany ŭ 1954 hodzie i źjaŭlajecca častkaj architekturnaha ansambla hałoŭnaha korpusa BNTU. Budynak viadomy svaimi pilastrami, hareljefami i skulpturami.
Čytajcie taksama:
Z 1 maja ŭ Minsk vierniecca «Najlepšaja vulica»
U Minsku budujuć novy šmatfunkcyjanalny centr z pramym vychadam ź mietro
Pasiarod minskaha lesaparku Miadźviežyna źbirajucca pabudavać bijatłonny kompleks