Śpikier armianskaha parłamienta: My nie dazvolim pieratvaryć Armieniju ŭ hubierniu, jak Biełaruś
Rasija pravodzić u Armienii «palityčnuju apieracyju», zajaviŭ śpikier armianskaha parłamienta Alen Simanian, abvinavaciŭšy rasijskaje kiraŭnictva ŭ sprobie źmieny ŭłady ŭ krainie.
Alen Simanian
«Kali va Ukrainie sprabujuć prasoŭvać svaje intaresy vajennym šlacham, to ŭ Armienii adbyvajecca sproba zachopu ŭłady. Našu demakratyčnaść jany (u Rasii) zaraz sprabujuć vykarystać suprać nas. Kažuć: u vas internet adkryty, my ŭ hetym internecie na svaje rubli kupim stolki rekłamy, što ŭsio budzie našym.
My nie dazvolim pieratvaryć Armieniju ŭ hubierniu. My nie budziem kiravacca tak, jak kirujecca Biełaruś», — zajaviŭ Simanian u teleefiry.
Jon taksama paviedamiŭ, što z Rasii ŭmiešvajucca ŭ budučyja vybary, «kuplajučy za rubli» miascovyja ŚMI.
Pierad hetym u Armienii byli zabłakavanyja dziasiatki jutub-kanałaŭ z rasijskaj prapahandaj.
Čarhovyja vybary ŭ Nacyjanalny schod Armienii majuć adbycca praź miesiac, 7 červienia.
Čytajcie taksama:
Maskva pužaje Armieniju: praź zbližeńnie ź ES Armienija stracić 30% ekanomiki