Vyznačylisia finalisty Kubka Biełarusi pa handbole
U adnym paŭfinale čempijon krainy staličny SKA ŭpeŭniena pierahulaŭ handbalistaŭ «Homiela» — 39:28. U druhim matčy dziejny ŭładalnik trafieja «Miaškoŭ Brest» adoleŭ haspadaroŭ — handbalistaŭ «Mašeki» — 29:26.
Ilustracyjnaje fota: BHK Miaškoŭ
3 maja «Miaškoŭ Brest» budzie abaraniać tytuł u vyrašalnym pajadynku sa SKA, a «Mašeka» i «Homiel» paspračajucca za bronzavyja ŭznaharody kubkavaha turniru. Hod tamu ŭ Mazyry bieraściejcy 15‑y raz zavajavali Kubak krainy, adoleŭšy ŭ finale minskich armiejcaŭ (30:29). Bronzu zavajavali hamialčanie, jakija pieramahli ŭ matčy za treciaje miesca mahiloŭcaŭ (30:27).
U žančyn Kubak Biełarusi zdabyli handbalistki «BNTU-BiełAZ». Baraćbu za zołata čempijanatu jany, dziejnyja čempijonki, viaduć z «Homielem». A hrodzienskaja «Haradničanka» i staličny SKA paspračajucca za bronzavyja ŭznaharody.