Tramp zajaviŭ, što ZŠA mohuć zachapić Kubu — «na zvarotnym šlachu ź Irana»
«Jany skažuć: «Vialiki vam dziakuj. My zdajomsia».
Donald Tramp. Fota: Getty Images
Prezident ZŠA Donald Tramp na mierapryjemstvie ŭ Fłarydzie zajaviŭ, što Złučanyja Štaty mohuć zaniać Kubu — praktyčna adrazu i biez asablivych namahańniaŭ.
«Na zvarotnym šlachu ź Irana ŭ nas budzie adzin z našych vialikich karabloŭ, mahčyma, avijanosiec USS Abraham Lincoln — samy vialiki ŭ śviecie. Jon spynicca prykładna za 100 jardaŭ ad bieraha, i jany (kubinskija ŭłady — NN) skažuć: «Vialiki vam dziakuj. My zdajomsia», — skazaŭ Tramp.
Aŭdytoryja zaśmiajałasia — niezrazumieła, ci mieŭ prezident na ŭvazie realny płan, ci žartavaŭ.