Biełarus pakazaŭ, dzie kuplaje nievierahodna tannuju harodninu
Bolš za ŭsio ździviła cana na bulbu. Jana pradajecca pa 74 kapiejki za 1 kh.
Ilustracyjnaje fota Tochka.by
Zakupicca pryjemnymi cenami možna nie tolki na aptovych rynkach. U Žodzinie znajšli miesca, dzie harodnina adčuvalna tańniejšaja, piša Tochka.by.
Tyktokier apublikavaŭ post, u jakim pakazaŭ, što i za jakuju canu kuplaje na rynku ŭ Žodzinie.
Tak, mužčyna adznačaje, što pamidory, ahurki i radysku možna znajści za 3,99 rubla za 1 kh.
Kapustu śviežuju addajuć za 1,99 za kiło. Stolki ž buduć kaštavać i jabłyki. Za piorki cybuli ŭ vas paprosiać 2,49 rubla za 100 h.
Ale bolš za ŭsio ździviła cana na bulbu. Jana pradajecca za 74 kapiejki za 1 kh.
Jak adznačyŭ sam błohier, za takija ceny jon zmoža rabić sałaty ceły tydzień i patracić na heta ŭsiaho 10 rubloŭ.
Častka karystalnikaŭ nie pavieryli, što jość takija ceny. Asobnyja navat abvinavacili aŭtara ŭ chłuśni. Inšyja ž nie vieryli, što majecca dobry asartymient pa vyhadnych cenach.
«Jak ich złavić??? Pa takich cenach???» — piša adna z kamientataraŭ.
Niekatoryja zasumniavalisia ŭ jakaści tavaru.
«Ahurok za 3,99 — heta rasijski, jaki niasmačny i viały», — ličyć adzin z karystalnikaŭ sacsietki.
Znajomyja ž ź miescam biełarusy paskardzilisia, što harodninu chutka raźbirajuć.
«Sumna, paśla pracy ŭ vas užo ničoha niama!» — zasmuciłasia kamientatar.