Z ZŠA ŭ Vieniesuełu prylacieŭ pieršy kamiercyjny rejs za siem hadoŭ
Rejs kampanii American Airlines vylecieŭ z amierykanskaha aeraporta Majami ŭ Karakas u čaćvier, 30 krasavika. Pierad vyletam adbyłasia ŭračystaja cyrymonija pierarazańnia stužki, piša NY Times.
Sustreča rejsu ŭ Karakasie. Fota: Jesus Vargas/Getty Images
«Amal siem hadoŭ pamiž našymi krainami nie było pramych kamiercyjnych rejsaŭ. Za prezidentam [ZŠA Donaldam] Trampam my źmianiajem heta siońnia», — zajaviła pradstaŭnica Dziarždepartamienta Natalija Małana.
Vieniesuelski pasoł u Vašynhtonie Fieliks Płasiensija zajaviŭ, što rejs American Airlines 3599 aznačaje «pierachod ad dyjałohu da dziejańniaŭ».
Dypłamat adznačyŭ, što adnaŭleńnie avijazłučeńnia prademanstravała ŭzajemarazumieńnie Karakasa i Vašynhtona na novym uzroŭni.
Pieršy rejs pieravioz u asnoŭnym pradstaŭnikoŭ urada ZŠA, supracoŭnikaŭ American Airlines i žurnalistaŭ.
Avijakampanija płanuje vykonvać adzin štodzionny rejs pamiž Majami i Karakasam, pavialičyŭšy ich kolkaść da dvuch na dzień z 21 maja.