Skandalny biełaruski futbalist viarnuŭsia na radzimu. Ale chapiła adnaho matča, i jaho vyhaniajuć z čarhovaj kamandy
Napadajučy Vital Lisakovič adchileny ad trenirovak z žodzinskim kłubam «Tarpieda-BiełAZ». Rašeńnie pryniaŭ hałoŭny trenier kamandy Dźmitryj Lancevič. Aficyjnyja pryčyny adchileńnia nie ŭdakładniajucca, paviedamlaje bel.football.
Vital Lisakovič
Raniej paviedamlałasia, što Lisakovič prapuściŭ matč suprać «Dniapra» ŭ čempijanacie Biełarusi nibyta praz chvarobu.
U hetym siezonie jon paśpieŭ pravieści tolki adnu hulniu za «Tarpieda-BiełAZ» — u trecim tury suprać minskaha «Dynama», dzie žodzinskaja kamanda prajhrała ź likam 0:1.
Hulec nacyjanalnaj zbornaj Biełarusi pa futbole Vital Lisakovič pačynaŭ svaju karjeru ŭ salihorskim «Šachciory», paśla ŭ 2018‑2019 hadach hulaŭ u niekalkich charvackich kłubach, z 2020 hoda — u Rasii. Vosieńniu minułaha hoda jon staŭ futbalistam słavienskaha «Cele», ale zahulać jamu tam nie ŭdałosia, tamu sioleta viarnuŭsia ŭ Biełaruś.
28‑hadovy Lisakovič viadomy svaim składanym charaktaram, što, vidać, jamu najpierš i zaminaje zamacavacca nadoŭha ŭ jakim-niebudź kłubie. Paśla sychodu z salihorskaha «Šachciora» ŭ 2020 hodzie jon pamianiaŭ užo 8 kamandaŭ, i rasstavańnie prynamsi ź niekatorymi ź ich nie abychodziłasia biez skandałaŭ.
Čytajcie taksama:
Biełaruskija futbalisty zhulajuć ź siryjcami
Hałoŭnaha treniera čempijona Biełarusi pa futbole adpravili ŭ adstaŭku paśla turaŭ čempijanatu