Kožny dzień milicyja fiksuje pa 400 zvankoŭ telefonnych afierystaŭ
Bolšaść złačynstvaŭ praduchilena.
Kožny dzień milicyja fiksuje minimum pa 400 zvankoŭ telefonnych afierystaŭ. Tak, učora pastupiła bolš za 400 paviedamleńniaŭ pra takija zvanki, paviedamlaje pres-słužba MUS.
«Adździełam arhanizacyi apracoŭki machlarskich apieracyj MUS inicyjavana błakiroŭka 12 fišynhavych internet-resursaŭ (padroblenyja handlovyja placoŭki, banki abo servisy, nieadroznyja ad sapraŭdnych). Taksama zabłakiravana mahčymaść ažyćciaŭleńnia płaciažoŭ na adras 80 zamiežnych płaciežnych rekvizitaŭ, jakija vykarystoŭvalisia złamyśnikami, prypynieny raschodnyja apieracyi pa 93 rachunkach», — raspaviali ŭ MUS.
Akramia taho, apieratyŭniki zatrymali kurjera-zamiežnika, jaki pracavaŭ u intaresach afierystaŭ. U jaho kanfiskavana bolš za 30 tys. rubloŭ u ekvivalencie.
U struktury takich złačynstvaŭ pa sposabie ich ździajśnieńnia lidziruje pakupka tavaraŭ na internet-placoŭkach. Dalej iduć višynh ad imia słužbovych asob (telefonnaje machlarstva), fišynh i handal na finansavych biržach.