Časovaja pavieranaja ZŠA va Ukrainie pakinie pasadu praź niazhodu z ukrainskaj palitykaj Trampa
Časovaja pavieranaja ZŠA va Ukrainie Džuli Devis źbirajecca pakinuć svaju pasadu ŭ najbližejšyja tydni. Pavodle infarmacyi vydańnia Financial Times, paśla hetaha jana płanuje zaviaršyć dypłamatyčnuju karjeru, jakoj pryśviaciła amal 30 hadoŭ słužby.
Džuli Devis
Paviedamlajecca, što pryčynaj takoha rašeńnia stali roznahałośsi dypłamatki z Donaldam Trampam, a taksama jaje niezadavolenaść źnižeńniem padtrymki Ukrainy z boku amierykanskaj administracyi.
«Džuli Devis, vykanaŭca abaviazkaŭ pasła ZŠA ŭ Kijevie, pakidaje Dziaržaŭny departamient, rasčaravanaja źmianšeńniem padtrymki Ukrainy z boku Trampa», — havorycca ŭ dopisie ŭ sacsietcy Ch karespandenta Financial Times Krystafiera Milera.
Džuli Devis zajmaje pasadu časovaj pavieranaj u spravach ZŠA ŭ Kijevie z maja 2025 hoda. Krynicy vydańnia śćviardžajuć, što jana ŭžo paviedamiła Dziarždepartamientu pra namier syści.
Taksama adznačajecca, što Devis była rasčaravanaja svajoj rolaj i niekatorymi rašeńniami kiraŭnictva, u tym liku kadravymi pryznačeńniami, pra jakija daviedvałasia z paviedamleńniaŭ u presie.
Zvalnieńnie Džuli Devis praciahvaje šerah adstavak amierykanskich dypłamataŭ, źviazanych z ukrainskim kirunkam. Raniej pasadu pakinuła papiaredniaja ambasadarka Brydžyt Brynk, i tady taksama paviedamlałasia pra takija ž pryčyny jaje rašeńnia.
Čytajcie taksama:
Tramp zajaviŭ, što Iran u kałapsie i prosić jaho adkryć Armuzski praliŭ
Tramp: My zasiarodžanyja na Iranie
Ukraina prapanoŭvała pierajmienavać častku Danbasa ŭ «Doniłend» u honar Trampa
Tramp: Nianaviść pamiž Pucinym i Zialenskim — heta śmiešna
Ukraina paprasiła Turcyju arhanizavać samit pamiž Zialenskim i Pucinym