Apiejkin: Ščyra nie razumieju, u čym kaštoŭnaść Pačobuta
Vykanaŭčy dyrektar Biełaruskaha fondu spartovaj salidarnaści ličyć, što niazłomny palitviazień nasamreč «padrazdźmuty».
Alaksandr Apiejkin. Fota: facebook.com/apeikin
«Ja ščyra nie razumieju, u čym kaštoŭnaść Pačobuta. Ja pavažaju toje, što čałaviek adsiedzieŭ za svaje pierakanańni. Ale nie razumieju jaho abjektyŭnaj kaštoŭnaści. Mnie zdajecca, što sabž davoli mocna pieraacenieny», — napisaŭ u fejsbuku spartyŭny funkcyjanier z nahody vyzvaleńnia Andreja Pačobuta.
Apiejkin nastolki ŭraziŭ svaju aŭdytoryju małaadekvatnaj zaŭvahaj na miažy chamstva, što atrymaŭ ad 5100 padpisčykaŭ tolki adzin łajk. U pieršym ža kamientary Apiejkina pasłali na try litary.