Hłobus napisaŭ knihu «Zorki» pra majstroŭ kultury
Vyjšła z druku kniha Adama Hłobusa «Zorki. Słovy pra majstroŭ kultury», jakaja składajecca sa ścisłych, časam afarystyčnych ese pra losy viadomych tvorčych asobaŭ ad Kupały i Basio da Van Hoha i Bartkieviča, piša bellit.info.
Hieroi knihi «Zorki» Adama Hłobusa — paety, mastaki i akciory. Kožny ź ich varty asobnaj manahrafii, ale aŭtar sabraŭ ich pad vokładkaj adnoj nievialikaj knižki, bo z pavahaj stavicca da čytača i bieraže jaho čas, achviaravany na znajomstva z sučasnaj eseistykaj. «Zorki» — kniha dla tych, chto cenić kulturu i lubić zadumvacca pra losy tvorčych ludziej.
Kniha adkryvajecca vieršam Jakuba Kołasa «Zorka», a dalej iduć try raździeły, u kožnym ź jakich apaviadajecca pra čatyroch znakamitych tvorcaŭ.
Paety
- Šekśpir
- Basio
- Kupała
- Charms
Mastaki
- Leanarda
- Van Hoh
- Pikasa
- Papkoŭ
Akciory
- Smaktunoŭski
- Jankoŭski
- Bartkievič
- Coj