Tejłar Śvift damahajecca pravavoj abarony frazy «Pryvitańnie, heta Tejłar Śvift»
Śpiavačka padała zajaŭki dla abarony svajho hołasu i vobraza ad štučnaha intelektu
Fota: Kevin Winter/Getty Images for iHeartRadio
Amierykanskaja śpiavačka Tejłar Śvift padała zajaŭki na rehistracyju tavarnych znakaŭ dla abarony svajho hołasu i vobraza ad vykarystańnia ŭ kantencie, stvoranym z dapamohaj štučnaha intelektu, paviedamlaje TMZ sa spasyłkaj na adpaviednyja dakumienty.
Pa infarmacyi vydańnia, śpiavačka damahajecca pravavoj abarony fraz «Pryvitańnie, heta Tejłar Śvift» i «Pryvitańnie, heta Tejłar».Jany afarmlajucca jak hukavyja tavarnyja znaki — katehoryja, jakaja vykarystoŭvajecca dla paznavalnych aŭdyjasihnałaŭ.
Taksama padadziena zajaŭka na abaronu kankretnaha sceničnaha vobraza — z ružovaj hitaraj, u kambiniezonie i botach, jaki vykarystoŭvajecca ŭ jaje vystupleńniach. U śpiavački ŭžo jość dziasiatki tavarnych znakaŭ, źviazanych ź jaje imiem, albomami i tekstami piesień.
Jak adznačajuć jurysty, rehistracyja razmoŭnych fraz jak tavarnych znakaŭ — novy padychod, jaki moža dapamahčy zmahacca z ŠI-kantentam, što imituje hołas biez kapiravańnia aryhinalnych zapisaŭ.