Pirackaja kopija novaha multfilma «Avatar: Lehienda pra Aanha» pajšła ŭ biełaruski prakat paśla źlivu ŭ sieciva
Novy multfilm «Avatar: Lehienda pra Aanha» kampanija Paramount płanavała vypuścić u suśvietny prakat tolki ŭvosień, ale jaho ŭžo kruciać u kinateatrach Biełarusi, zaŭvažyŭ kanał «Ružovaja Kupina».
Jak piša kanał, niekalki tydniaŭ tamu nieviadomyja całkam źlili ŭ sieciva novy multfilm «Avatar: Lehienda pra Aanha».
«Pa sutnaści ŭsia šmathadovaja praca stvaralnikaŭ była biessensoŭnaj i moža nie prynieści hrošaj: vialikaja kolkaść ludziej pahladzić prajekt pa-piracku, to bok nie zapłaciŭšy hrošy za kvitki ŭ kinateatry», — piša kanał.
Ciapier Paramount, jaki źbiraŭsia vypuścić prajekt uvosień, sprabuje vydalać kopii filmaŭ z sacsietak i adpaviednych sajtaŭ, ale namahańni nie pryvodziać da stanoŭčych vynikaŭ.
Prakatčyki ž z Rasii i Biełarusi pajšli dalej i vypuścili pirackija kopii ŭ kinateatrach. Tak, kinateatr Skyline u Minsku, a taksama rehijanalnyja prakatčyki ŭ Homieli, Mahilovie, Baranavičach, Kobrynie, Rečycy, Kalinkavičach i Čyrkavičach puścili hetyja pirackija viersii ŭ kinateatrach, piša «Ružovaja Kupina».