Hałoŭnaha treniera čempijona Biełarusi pa futbole adpravili ŭ adstaŭku paśla turaŭ čempijanatu
«MŁ Viciebsk» zvolniŭ Michaiła Marcinoviča i jaho trenierski štab, paviedamlaje «Sport Biełarusi».
U piaci turach čempijanatu «MŁ» maje try pieramohi i dźvie ničyi, na minułych vychodnych kłub zhulaŭ uničyju z bresckim «Dynama» (0:0).
«MŁ» zajmaje druhi radok u turnirnaj tablicy, dva bały sastupajučy minskamu «Dynama».
Pa kamientar Onliner źviarnuŭsia da ŭładalnika «MŁ Viciebsk» Arcioma Lavonava.
— Vyniki nie zadavalniajuć. Za apošnija piać matčaŭ my atrymali tolki dźvie pieramohi [paraza ŭ pieršym matčy 1/2 finału Kubka Biełarusi ad minskaha «Dynama» — NN], adna ź ich — nad «Baranavičami» [debiutant, što prajhravaŭ usie piać matčaŭ — NN]. I mnie vielmi soramna pierad zaŭziatarami za dva chatnija pajadynki. Pryjšło šmat hledačoŭ, a my nie zabili nivodnaha hoła. Mnie zdajecca, usio pavinna być pa-inšamu.