Pradpryjemstva pa abychodžańni z radyjeaktyŭnymi adkidami schavała strukturu i štat paśla prychodu dyrektara z KDB
Dziaržaŭnaje pradpryjemstva pa abychodžańni z radyjaaktyŭnymi adchodami «BiełRAA» całkam zasakreciła źviestki pra supracoŭnikaŭ i ŭnutranuju strukturu. Heta adbyłosia na fonie pryznačeńnia novym kiraŭnikom eks-supracoŭnika KDB Michaiła Kisiala i supała z aktyŭnaj fazaj vybaru miesca dla budučaha jadziernaha mohilnika.
Źniknieńnie źviestak z sajta pradpryjemstva zaŭvažyŭ «Fłahštok». Heta adbyłosia paśla pryznačeńnia byłoha supracoŭnika KDB Michaiła Kisiala na pasadu dyrektara pradpryjemstva «BiełRAA».
Michaił Kisiel. Fota: Minenierha
Hetymi dziejańniami dziaržava faktyčna dała zrazumieć, što adkaznych za pryniaćcie rašeńniaŭ, źviazanych z abychodžańniem z radyjeaktyŭnymi adchodami, u publičnaj prastory bolš nie budzie.
Ciapier asnoŭnaj krynicaj infarmacyi ab stanie radyjeaktyŭnaha mahilnika stanie dazimietr, piša vydańnie.
Zaraz u Biełarusi idzie aficyjny praces vybaru miesca pastajannaha zachoŭvańnia radyjeaktyŭnych adchodaŭ. Vybar staić pamiž tryma rajonami: Chojnickim, Mścisłaŭskim i Astravieckim.