U zaŭziatarki na trybunie spyniłasia serca padčas matča «Baranavičaŭ» i «Dynama-Minsk»
Usio skončyłasia dobra, ale hulnia sapraŭdy była niervovaj.
Učorašniaja sustreča ŭ vyšejšaj lizie pamiž «Baranavičami» i minskim «Dynama» ledź nie skončyłasia trahiedyjaj, piša bel.football.
Padčas matča ŭ adnoj z hladačak na trybunach spyniłasia serca.
Na ščaście, dziakujučy svoječasovym i prafiesijnym dziejańniam miedykaŭ, jakija dziažuryli na hulni, a taksama rabotnikaŭ stadyjona žančynu ŭdałosia vyratavać.
Za kaho zaŭzieła žančyna, nieviadoma. Ale hulnia była šalonaj.
«Baranavičy», jakija nie zabivali nikomu ŭ ČB, niejki čas viali 2:0 u hulni z «Dynama». Ale vynikovy lik — 3:2 na karyść «Dynama». U «Baranavičaŭ» pa-raniejšamu nul ačkoŭ i apošniaje miesca. Baranavickaja kamanda, jakaja isnuje 81 hod, upieršyniu prabiłasia ŭ vyšejšuju lihu pa vynikach siezona-2025.