U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju
Stancyi «Ivana Mieleža», «Zialony Łuh», «Łahojskaja» adkładajuć na dalokuju pierśpiektyvu.
Stancyja «Piatroŭščyna» pieršaj linii mietro
U staličnych uładaŭ znoŭ źmianilisia płany nakont budaŭnictva mietro. Ciapier vyrašyli, što treciuju liniju mietro časova spyniać na płoščy «Banhałor» (stancyja «Park družby narodaŭ»).
«U horadabudaŭničaj dakumientacyi praduhledžvajecca znos damoŭ pa vulicy Maksima Bahdanoviča ŭ ramkach prakładki [treciaj linii] mietrapalitena. Ale ŭ najbližejšy čas hetaha, napeŭna, nie budzie. Liniju mietro my daviadziom da płoščy Banhałor, a dalej płanujem ruchacca ŭzdoŭž vulicy Arłoŭskaj i praśpiekta Puškina ŭ bok stancyi mietro «Puškinskaja», dzie budzie pierasiačeńnie z druhoj linijaj mietro. Płanaŭ pa praciahnieńni mietro ŭ napramku Zialonaha Łuhu ŭ bližejšaj pierśpiektyvie ŭ nas niama», — zajaviŭ staršynia kamiteta architektury i horadabudaŭnictva Minharvykankama Viktar Hućko.
Takim čynam, paśla dabudovy troch stancyj treciaj linii — «Piarespa», «Kamaroŭskaja», «Park družby narodaŭ» — usie siły kinuć na toje, kab pačać čaćviortuju liniju. U startavuju čarhu ŭvachodziać stancyi «Maksima Bahdanoviča», «Staravilenski šlach», «Viaśnianka», «Alšeŭskaja» i «Civali».
Adna z papiarednich schiem raźvićcia minskaha mietrapalitena