U Adesie dźvie stareńkija siabroŭki zahinuli ŭ vyniku rasijskaha ŭdaru
U vyniku rasijskich udaraŭ pa žyłych damach u Adesie zahinuli dva čałavieki, jašče 14 paciarpieli, paviedamili va ŭkrainskaj słužbie pa nadzvyčajnych situacyjach.
Zahinułyja — dźvie siabroŭki, jakim było pa 75 hadoŭ, — žyli ŭ dvuchpaviarchovym domie, u jaki trapiŭ bieśpiłotnik. Dron taksama razburyŭ trochpaviarchovy žyły dom — tam paciarpieli šeść čałaviek.
Kiraŭnik abłasnoj vajennaj administracyi Aleh Kipier raniej paviedamlaŭ, što ŭ trochpaviarchovym domie byli razburany kvatery na dvuch vierchnich pavierchach. 72‑hadovaja žančyna i 52‑hadovy mužčyna atrymali askołačnyja ranieńni. U inšych budynkach vybity škło, paškodžany aŭtamabili.