Samalot-pomnik ź minskaj Ściapianki paśla rekanstrukcyi viarnuli na miesca
Samalot-pomnik SU-7B, što staić u minskim mikrarajonie Ściapianka, viarnuŭsia na miesca paśla restaŭracyi, paviedamiła pres-słužba Partyzanskaha rajona Minska. 3 sakavika jaho adpravili na ramont na Minski zavod cyvilnaj avijacyi № 407.
Skrynšot ź videa
Hety źniščalnik-bambardziroŭščyk staić tam užo bolš za 40 hadoŭ. Spačatku jaho pastavili ŭ honar savieckich lotčykaŭ, ale ŭ suviazi z tym, što hałoŭnuju vulicu mikrarajona nazvali ŭ honar pieršaha Hieroja Biełarusi lotčyka Uładzimira Karvata jahony bartavy numar pamianiali na «29». Taki samy numar mieŭ samalot, na jakim Karvat ździejśniŭ svoj podźvih u 1996 hodzie, achviaravaŭšy žyćciom dziela vyratavańnia ludziej.
Ułady taksama płanujuć uparadkavać terytoryju vakoł pomnika, kab zrabić hetaje miesca bolš zručnym i pryvabnym dla žycharoŭ i haściej.
Čytajcie taksama:
Samalot-pomnik ź minskaj Ściapianki adpravili na restaŭracyju
U rečyckim parku ŭ honar lotčykaŭ časoŭ vajny pastavili cyvilny samalot 35‑hadovaha ŭzrostu