Mocny viecier parušyŭ elektrazabieśpiačeńnie ŭ 18 nasielenych punktach
Z-za mocnaha vietru časova adklučałasia linija 110 kV «Aršanskaja CEC — Orša-Paŭnočnaja», u vyniku čaho byŭ parušany režym pracy Aršanskaj CEC.
Fota: Viciebskenierha
Zaraz piersanał enierhasistemy pracuje nad adnaŭleńniem režymaŭ ciepłazabieśpiačeńnia spažyŭcoŭ, piša BiełTA.
Pa stanie na 13:00 adnaŭlenčyja raboty pravodziacca na 5 linijach elektrapieradačy 10 kV u 18 nasielenych punktach, pieravažna Viciebskaha, Loźnienskaha, Aršanskaha i Dubrovienskaha rajonaŭ. Da likvidacyi nastupstvaŭ niepahadzi pryciahnuty 44 avaryjnyja bryhady, 151 rabotnik i 52 adzinki techniki.
Pry nieabchodnaści budzie apieratyŭna zadziejničany dadatkovy piersanał i śpiectechnika.
RUP «Viciebskenierha» pryniało ŭsie nieabchodnyja miery dla apieratyŭnaha adnaŭleńnia elektrazabieśpiačeńnia z zachavańniem patrabavańniaŭ biaśpieki. Taksama padrychtavany reziervovyja krynicy charčavańnia.
U «Viciebskenierha» nahadvajuć, što paškodžanyja linii elektrapieradačy, asabliva abarvanyja pravady, ujaŭlajuć śmiarotnuju niebiaśpieku, i kateharyčna zabaraniajecca nabližacca da ich. Pra ŭsie padobnyja vypadki nieabchodna nieadkładna paviedamlać u avaryjnyja słužby pa telefonach 115 i 144.