Žančyna zarezała paluboŭnika, jaki pryraŭnavaŭ jaje da niekaha z tyktoka. Muž u hety čas byŭ na zarobkach u Rasii
U Lidzie sudziać 37‑hadovuju žančynu za zabojstva.
Trahiedyja adbyłasia ŭviečary 15 studzienia, raspaviadaje «Hrodzienskaja praŭda». Pavodle materyjałaŭ spravy, žančyna piła razam z byłym sužycielem u siabie doma. Praź niejki čas mužčyna pajšoŭ adpačyć u pakoj, a žančyna zastałasia na kuchni. Jana ŭ tyktoku ŭ strymie razmaŭlała ź inšym mužčynam.
Sužyciel pačuŭ razmovu, aburyŭsia i pačaŭ svarycca z žančynaj. Tady lidčanka schapiła nož i ŭdaryła mužčynu ŭ serca. Toj pamior na miescy jašče da pryjezdu dapamohi.
Ekśpiertyza pakazała, što ŭ kryvi zabojcy było 2,41 pramile ałkaholu.
Žančyna była ŭ aficyjnym šlubie. Jaje muž u hety čas pracavaŭ u Rasii i nie viedaŭ pra adnosiny žonki ź inšym mužčynam.