Maskva atrymała zaprašeńnie na samit G20 u Majami na najvyšejšym uzroŭni
Mierapryjemstva projdzie 14—15 śniežnia 2026 hoda.
Fota: Sefa Karacan/Anadolu via Getty Images
MZS Rasii zajaviła, što Maskva atrymała zaprašeńnie na samit G20 u Majami na vyšejšym uzroŭni. Pra heta raskazaŭ namieśnik kiraŭnika rasijskaha MZS Alaksandr Pankin, piša «Nastojaŝieje vriemia».
Mierapryjemstva projdzie 14—15 śniežnia 2026 hoda ŭ ZŠA.
«Jość zaprašeńnie prysutničać na samym vysokim uzroŭni, ale my pahladzim bližej da daty: Boh viedaje, što adbudziecca da taho času», — skazaŭ Pankin.
U kancy 2025 hoda pasoł pa asablivych daručeńniach MZS Rasii pa pytańniach G20 i ATES Marat Biardziejeŭ kazaŭ, što Rasija aktyŭna rychtujecca da samitu ŭ Majami i ŭžo pryznačyła svaich pradstaŭnikoŭ «pa ŭsich ukazanych kirunkach».
Pradstaŭnik Rasii ŭ G20 Śviatłana Łukaš adznačała, što amierykanskija ŭłady raźličvajuć ubačyć na samicie lidaraŭ usich krain-udzielnic, u tym liku Uładzimira Pucina. Apošni raz jon asabista ŭdzielničaŭ u samicie G20 u 2019 hodzie.