Aleś Bialacki sustreŭsia z prezidentam Polščy Karalem Naŭrockim
22 krasavika ŭ Varšavie prezident Polščy Karal Naŭrocki sustreŭsia ź biełaruskim pravaabaroncam, nobieleŭskim łaŭreatam Alesiem Bialackim, paviedamlaje «Viasna».
Fota: kancylaryja prezidenta Polščy
Napiaredadni stała viadoma, što biełaruski pravaabarončy centr «Viasna» adkryvaje ofis u Varšavie. Paśla evakuacyi ź Biełarusi ŭ 2021 hodzie pravaabaroncy pracavali ŭ Vilni. Ciapier, pavodle słoŭ Alesia Bialackaha, placovak budzie dźvie — u Vilni i Varšavie.
Fota: kancylaryja prezidenta Polščy
Fota: kancylaryja prezidenta Polščy
Padčas sustrečy Karal Naŭrocki i Aleś Bialacki abmianialisia padarunkami. Bialacki prezientavaŭ prezidentu Polščy knihi biełaruskich piśmieńnikaŭ, a ŭ adkaz atrymaŭ ad Naŭrockaha minijaciuru z vyjavaj Tadevuša Kaściuški.
Fota: «Viasna»
Fota: «Viasna»
Pierad hetym Aleś Bialacki sustreŭsia z maršałkam Sienata Polščy Małhažataj Kidava-Błońskaj. Padčas jaje Kidava-Błońska padkreśliła, što nie zabyvaje pra biełaruskich palitviaźniaŭ, u tym liku pra Andžeja Pačobuta, i praciahvaje padtrymlivać ich. Taksama Bialackamu pieradali pastanovu Sienata Polščy, pryniatuju da piataj hadaviny źniavoleńnia Andžeja Pačobuta.
Čytajcie taksama:
Pravaabarončy centr «Viasna» adkryŭ dadatkovy ofis u Varšavie
U Varšaŭskim univiersitecie projdzie sustreča z Alesiem Bialackim