Ukraina paprasiła Turcyju arhanizavać samit pamiž Zialenskim i Pucinym
«My źviarnulisia da tureckaha boku naŭprost», — zajaviŭ žurnalistam u Kijevie ministr zamiežnych spraŭ Andrej Sibiha.
Fota: Mikhail Metzel, Sputnik, Kremlin Pool Photo via AP; AR
Pieramovy pra mirnaje ŭrehulavańnie va Ukrainie zajšli ŭ tupik, jak i situacyja na froncie. Uvaha administracyi Donalda Trampa, jaki chacieŭ skončyć vajnu va Ukrainie «za 24 hadziny», ciapier skancentravana na Iranie. Na hetym fonie Kijeŭ, jaki nieadnarazova zaklikaŭ da praviadzieńnia samitu pamiž prezidentami Ukrainy i Rasii, paprasiŭ Turcyju arhanizavać takuju sustreču, piša Moscow Times.
«My źviarnulisia da tureckaha boku naŭprost, — zajaviŭ žurnalistam u Kijevie ministr zamiežnych spraŭ Andrej Sibiha.— Ale, kali takuju sustreču arhanizuje jakaja-niebudź inšaja stalica — akramia Maskvy i Biełarusi — my voźmiem u joj udzieł».
Pavodle słoŭ Sibihi, Kijeŭ choča pravieści sustreču ciapier, «kab nadać novy impuls dypłamatyčnamu pracesu pamiž Zialenskim i Pucinym».