Takier Karłsan vybačyŭsia za padtrymku Trampa
Skarektavać jaho staŭleńnie dapamahli ŭdary ZŠA pa Iranie.
Tramp i Karłsan na mitynhu ŭ Aryzonie ŭ padtrymku budučaha prezidenta za piać dzion da vybaraŭ, 31 kastryčnika 2024 hoda. Fota: Chip Somodevilla/Getty Images
Błohier Takier Karłsan vybačyŭsia za padtrymku Trampa. «Viedaješ, heta budzie mučyć nas jašče doŭha. Mianie — dakładna, i ja chaču skazać, što mnie škada, što ja ŭvodziŭ ludziej u zman. Heta było nienaŭmysna», — skazaŭ žurnalist Takier Karłsan u razmovie sa svaim bratam Bakli Karłsanam, byłym śpičrajtaram Trampa.
«Ty, ja i ŭsie astatnija, chto jaho padtrymlivaŭ — ty pisaŭ jamu pramovy, ja vioŭ za jaho kampaniju — my, biezumoŭna, u hetym zamiašanyja», — zajaviŭ Takier Karłsan, dadaŭšy, što «niedastatkova prosta skazać: «Nu, ja pieradumaŭ» abo: «O, heta drenna. Ja atrasaju ruki»».
Karłsan u 1999 hodzie nazyvaŭ Trampa «samym ahidnym čałaviekam na płaniecie», ale ŭ 2016, pierad pieršymi vybarami, zaklikaŭ usprymać Trampa surjozna, a ŭ 2024 hodzie staŭ jaho aktyŭna padtrymlivać.