U rasijskaj Syzrani padjezd doma abrynuŭsia paśla ataki dronaŭ
Z-pad zavałaŭ vyratavanyja čatyry čałavieki.
Padjezd žyłoha šmatkvaternaha doma ŭ Syzrani abrynuŭsia ŭ vyniku ataki dronaŭ, paviedamiŭ hubiernatar Samarskaj vobłaści Viačasłaŭ Fiadoryščaŭ.
«U vyniku ataki bieśpiłotnikaŭ USU ŭ Syzrani častkova abrynuŭsia padjezd. Na miescy pracujuć pošukava-vyratavalnyja atrady», — napisaŭ jon.
Z-pad zavałaŭ, pavodle słoŭ kiraŭnika rehijona, vyratavanyja čatyry čałavieki, u tym liku adno dzicia. Ataka BPŁA na Samarskuju vobłaść praciahvajecca, papiaredziŭ Fiadoryščaŭ.
Potym jašče adzin dron reznuŭsia ŭ inšy dom u Syzrani.
Fota: Mash
Pavodle danych Mash, pažar uspychnuŭ u kvatery na šostym paviersie, jaho patušyli. Abłomki bieśpiłotnika zakranuli aŭtamabili kala doma, dva ź ich zhareli. Ludziej evakujavali, ratavalniki šukajuć paciarpiełych.