Miadźviedź užo tydzień abkradaje pčalara pad Šumilinam
U viosku Starynavičy Šumilinskaha rajona začaściŭ miadźviedź. Tydzień jon trymaje ŭ strachu miascovaha pčalara, mietadyčna źniščajučy vulli na pasiecy, raskazali na STB.
Haspadar Vasil Vinakuraŭ užo niedaličyŭsia 9 pčałasiemjaŭ z 30.
«Siamju hetuju razvaraciŭ litaralna za 30 chvilin. Bačycie, pčołki, jakija zastalisia i kučkaj sabralisia, jany nie viedajuć, što im rabić. Chutčej za ŭsio, jany prapaduć», — raskazvaje pčalar.
Vulli — litaralna ŭ treski. Soty možna adramantavać, ale, narakaje viaskoviec, treba jašče ž kupić pčalinyja siemji — heta vialikija ŭkładańni.