Ukraina skončyła ramont naftapravoda «Družba»
Paśla hetaha Zialenski čakaje razbłakavańnia kredytu ES na 90 młrd jeŭra dla krainy.
Fota: telehram-kanał Zialenskaha
Prezident Ukrainy Uładzimir Zialenski paviedamiŭ, što Ukraina skončyła ramont naftapravoda «Družba».
«Jak i było vyznačana ŭ kamunikacyi ź Jeŭrasajuzam, Ukraina vykanała ramontnyja raboty na ŭčastku naftapravoda «Družba», jaki byŭ paškodžany rasijskim udaram. Naftapravod moža adnavić funkcyjanavańnie», — napisaŭ Zialenski ŭ svaim telehram-kanale, ale dadaŭ, što «nichto ciapier nie zdolny harantavać, što rasijskija ŭdary pa infrastruktury naftapravoda nie paŭtoracca».
Prezident Ukrainy dadaŭ, što ŭ adkaz jany čakajuć razbłakavańnia kredytu ES na 90 młrd jeŭra.
«My źviazvajem z hetym razbłakavańnie Jeŭrapiejskaha pakieta padtrymki dla Ukrainy, jaki ŭžo byŭ uchvaleny Jeŭrapiejskim savietam».