Kampaniju biełarusaŭ u Polščy aštrafavali na $5,5 miljona za kantrabandu ŭ Rasiju luksavych aŭtamabilaŭ
Małapolskaje mytna-padatkovaje ŭpraŭleńnie ŭ Krakavie (MUCS) vyjaviła nielehalnuju schiemu vyvazu luksavych aŭtamabilaŭ na rynak, jaki znachodzicca pad sankcyjami ES. Vypisany štraf — kałasalny. Firma naležyć biełarusam, pieradaje Ministerstva finansaŭ Polščy.
Kampanija, što kirujecca hramadzianami Biełarusi, u 2022—2023 hadach zajmałasia zakupkaj darahich aŭto prestyžnych marak u krainach Zachodniaj Jeŭropy. Paśla hetaha mašyny vyvozilisia z terytoryi Jeŭrasajuza.
U transpartnych dakumientach u jakaści punktaŭ pryznačeńnia paznačalisia inšyja krainy, adnak nasamreč aŭtamabili traplali ŭ Rasijskuju Fiederacyju. Maršrut pralahaŭ praz Polšču i Litvu ŭ Biełaruś, a adtul — u Rasiju.
Takim čynam było pierapraŭlena bolš za 100 aŭtamabilaŭ. Košt mašyn pieravyšaje 49 młn złotych (prykładna 13 młn dalaraŭ).
Polskija inśpiektary pryjšli da vysnovy, što kiraŭnictva kampanii dziejničała śviadoma i metanakiravana abychodziła sankcyi. U vyniku na firmu nakładzieny administracyjny štraf maksimalnaj sumaj— 20 młn złotych (kala 5,5 młn dalaraŭ).
Heta adna z najbujniejšych takich spraŭ u Polščy.