U Rasii niezadavoleny «Savuškavym praduktam» i «Siervaluksam»: u ich tvarahu znajšli niebiaśpiečnaje rečyva
Raśsielhasnahlad paviedamiŭ, što ŭvioŭ režym uzmocnienaha łabaratornaha kantrolu ŭ dačynieńni da pradukcyi biełaruskich pradpryjemstvaŭ «Smalavičy małako» i «Savuškaŭ pradukt», jakija ŭvachodziać u hrupy kampanij «Siervaluks» i «Santa».
Ilustracyjnaje fota: «Naša Niva»
Śćviaržajecca, što ŭ tvarahu hetych vytvorcaŭ znajšli reštkavaje ŭtrymańnie albiendazoła sulfona. Hety vietyrynarny preparat suprać hlistoŭ.
«Vyniki paćvierdžany ŭ chodzie manitorynhavych daśledavańniaŭ biełaruskaj małočnaj pradukcyi, jakaja pastupaje na rasijski rynak.
Pa ŭsich vyjaŭlenych vypadkaŭ u adras vieterynarnaj słužby Biełarusi nakiravany paviedamleńnia ab pryniaćci nieabchodnych mier pa niedapuščeńni padobnych parušeńniaŭ», — zajaviŭ Raśsielhasnahlad.
Albiendazoła sulfon moža vyklikać u čałavieka prablemy sa stravavańniem i alerhičnyja reakcyi. Pry častym užyvańni praduktaŭ z reštkami rečyva jość ryzyka taksičnaha ŭździejańnia na piečań.