Na pažary ŭ Lidzie zahinuli try čałavieki
Śledčy kamitet vyśviatlaje abstaviny pažaru ŭ Lidzie, jaki adbyŭsia ŭčora ŭviečary i ŭ vyniku jakoha zahinuli try čałavieki.
Skrynšot ź videa
Paviedamleńnie pra ŭzharańnie ŭ kvatery pastupiła kala 23:00 18 krasavika.
Padčas tušeńnia pažaru ratavalniki znajšli cieły troch mužčyn: 66‑hadovaha haspadara i dvuch jahonych haściej — 39 i 56 hadoŭ. Akramia taho, paškodžańni atrymała kvatera, raźmieščanaja paviercham vyšej.
Pa słovach susiedziaŭ, napiaredadni haspadar zaprasiŭ da siabie znajomych i jany razam užyvali ałkahol.
Papiaredniaja pryčyna pažaru — nieaściarožnaje abychodžańnie z ahniom pry kureńni.