U Jeŭropie pierastanuć pracavać kartki MasterCard Alfa-banka i Biełhazprambanka

U krainach Jeŭrasajuza i šerahu inšych jeŭrapiejskich dziaržaŭ pierastanuć pracavać kartki MasterCard, vypuščanyja biełaruskimi Alfa-bankam i Biełhazprambankam. Hetyja abmiežavańni pačnuć dziejničać z 21 krasavika.

Zdymak ilustracyjny. Fota: lookby.media

Akramia Jeŭrasajuza, kartkami nielha budzie karystacca taksama ŭ Vialikabrytanii, Narviehii, Isłandyi i Lichtenštejnie. Tam stanie niemahčyma zdymać najaŭnyja hrošy ŭ bankamatach, raźličvacca ŭ kramach i internecie, apłačvać padpiski, rabić pieravody i pravodzić inšyja apieracyi.

U pres-słužbie Alfa-banka adznačyli, što takoha raźvićcia padziej čakali, a tym, chto zaraz znachodzicca za miažoj u hetych krainach, rajać zahadzia źniać hrošy. Pry hetym Alfa-bank časova admianiŭ svaju kamisiju za źniaćcie srodkaŭ za miažoj.

Unutry Biełarusi i ŭ inšych krainach, dzie niama abmiežavańniaŭ, kartki zastanucca dziejnymi.

Raniej, u siaredzinie sakavika, u hetych ža krainach užo pierastali pracavać kartki Visa hetych bankaŭ. Usie hetyja miery źviazanyja z sankcyjami Jeŭrasajuza.

Kamientary da artykuła