U Varšaŭskim univiersitecie projdzie sustreča z Alesiem Bialackim
Studium Europy Wschodniej, «Viasna» i Biełaruski PEN zaprašajuć na publičnuju sustreču z zasnavalnikam i kiraŭnikom pravaabarončaha centra «Viasna», nobieleŭskim łaŭreatam Alesiem Bialackim.
Fota: Viasna
Sustreča adbudziecca 20 krasavika a 17:30 u histaryčnym korpusie Varšaŭskaha ŭniviersiteta (Krakowskie Przedmieście 26/28, «Stary BUW», uvachod praz hałoŭnuju bramu ŭniviersiteta).
Heta ŭnikalnaja mahčymaść sustrecca z čałaviekam, jaki na praciahu dziesiacihodździaŭ znachodziŭsia ŭ epicentry baraćby za praŭdu, pravy čałavieka, kulturu i niezaležnaść. Za svaju pravaabarončuju dziejnaść Aleś Bialacki pravioŭ u źniavoleńni ŭ sukupnaści bolš za siem z pałovaj hadoŭ. Udzielniki sustrečy zmohuć zadać pravaabaroncu svaje pytańni.
Taksama možna budzie nabyć knihu Alesia Bialackaha i atrymać aŭtohraf.
Udzieł u mierapryjemstvie patrabuje papiaredniaj rehistracyi, a dla ŭvachodu na sustreču treba mieć paśviedčańnie asoby z fotazdymkam. Kolkaść miescaŭ abmiežavanaja.
Uvachod u zału budzie adkryty z 17:00.