Apierataraŭ mabilnaj suviazi buduć štrafavać za kiepskuju jakaść
U Biełarusi ŭvodziać administracyjnuju adkaznaść dla mabilnych apierataraŭ za drennuju jakaść suviazi i nievykanańnie patrabavańniaŭ da pakryćcia sietki.
Zdymak ilustracyjny. Fota: lookby.media
Pavodle infarmacyi Minsuviazi, u Kodeks ab administracyjnych pravaparušeńniach unosiacca źmieny, pavodle jakich apieratary mohuć atrymlivać štrafy za toje, što nie vykonvajuć ustanoŭlenyja normy jakaści mabilnaj suviazi.
Maksimalny štraf moža dasiahać 1000 bazavych adzinak, što ciapier składaje 45 tysiač rubloŭ.
Asnoŭnyja patrabavańni da jakaści suviazi zaćvierdžanyja asobnaj pastanovaj urada. Jany ŭstanaŭlivajuć minimalnuju chutkaść mabilnaha internetu ŭ roznych rehijonach krainy.
Da kanca 2026 hoda płanujecca, što siaredniaja chutkaść internetu pavinna być nie mienš za 60 Mbit/s u Minsku i abłasnych centrach, 25 Mbit/s u rajonnych centrach i 10 Mbit/s u inšych nasielenych punktach.
Da kanca 2030 hoda patrabavańni jašče padvysiacca: 135 Mbit/s u bujnych haradach, 110 Mbit/s u rajonnych centrach i 30 Mbit/s pa astatniaj terytoryi.
Zakon pačnie dziejničać praz dva miesiacy paśla jaho aficyjnaha apublikavańnia.
Čytajcie taksama:
Łukašenka padpisaŭ zakon, jakim uvodzicca adkaznaść za «prapahandu» biaździetnaści i homaseksualizmu
Biełarusy stali masava brać mikrapazyki
U bujnych biełaruskich haradach stała aficyjna pracavać suviaź 5G
U Homieli mužčynu adklučyli internet, bo jon lubiŭ jeździć zajcam