Małdova raźvitvajecca z SND: nazvana data aficyjnaha vychadu
Sakrataryjat SND u Minsku ŭžo atrymaŭ aficyjnaje paviedamleńnie.
Fota: Artur Widak / NurPhoto via Getty Images
Małdova aficyjna zapuściła praceduru vychadu z SND. Kiraŭnik małdaŭskaha MZS Michaj Papšoj paćvierdziŭ, što sakrataryjat arhanizacyi ŭ Minsku ŭžo atrymaŭ i zafiksavaŭ adpaviednaje paviedamleńnie. Zhodna ź mižnarodnymi normami, praz hod — 8 krasavika 2027 hoda — kraina kančatkova pierastanie być častkaj struktury.
Heta zavieršyć šmathadovaje dystancyjanavańnie Kišyniova ad postsavieckaha abjadnańnia. Na praciahu apošnich čatyroch hadoŭ pradstaŭniki Małdovy całkam ihnaravali pasiadžeńni SND i JEAES, a da kanca 2025 hoda kraina paśpieła skasavać kala 70 roznych damoŭ i pahadnieńniaŭ, padpisanych u miežach sajuza.
Zaraz hałoŭnaja meta Małdovy — maksimalna chutkaja padrychtoŭka da ŭstupleńnia ŭ Jeŭrasajuz.